قضايا الأسرة و الزواج > سؤال 754492

سؤال

رقم مرجعي: 754492 | قضايا الأسرة و الزواج | 26 يوليو، 2026

الرفض المبرر للزواج من الأقارب

السلام عليكم أنا بنت خريجة صيدلة هاي السنة ما الي أسبوعين مقدمة آخر امتحان في الكلية ، اجى قبل اسبوع عم بابا اجى طلبني من ابوي ل ابنه ، وانا بنت ماشية دغري كتير وبخاف من ربنا وما عندي حركات الصياعة ، عم بابا ما طلبني إلا لاني خلصت دراسة وتخصصي صيدلة ومشان الشغل وانا لانه عايشة في نفس بيئتهم بعرف تفكيرهم ، نيجي للشب بحكي الحق انه عنده اخلاق وبرضو مو من الشباب الي عليهم حركات شباب اليوم ، عمره 28 سنة ومتخرج هندسة من ست سنين وما حاول يشتغل بشهادته ولحد الان عايش على الي بعطيه اياه ابوه ما عنده ضمان يقدمه لبنت بدو يرتبط فيها وعنده اتكالية بشكل كبير على ابوه ومو هو لحاله لا حتى اخوانه المتزوجين كلهم هيك عندهم اعتماد على ابوهم ، أنا كبنت بعرف حالي ما بقدر اتحمل هاد الاشي طلبت من بابا وحكيتله انه أنا بدي اشوف الشب يعتمد على حاله ويقدر يتحمل مسؤولية فتح بيت وبدو يكون عنده زوجة بدو يكون قوام عليها مش كل ما طلبت اشي بدو يروح ياخده من ابوه لانه هاد الواقع الي أنا شايفته ، ابو الشب قال ما بدو اشي رسمي هلا بدو يترك الموضوع بس حجز وقراءة فاتحة مشان ما يجي حدا غريب يسبقه وبدو يأجل موضوع الارتباط الرسمي للسنة الجاي هيك حكاها بالحرف الواحد وانا كتير متضايقة من هاد الاشئ وحكيت لبابا خلص خلينا نشوف السنة هاي والشب يشوف شغل واذا النا نصيب ببعض السنة الجاي ربنا يكتب الي فيه الخير ، بابا رفض وما اقتنع وكل أسبابي عنده تافهة ومش اسباب مقنعه وانه أنا انسانه سطحية وما بتفهم وخلاني انسانه مادية وانا ما طلبت المصاري طلبت بس انه اشوف الشب يعتمد على حاله وبابا مو عاجبه ، وبعد نقاش طويل حكالي إذا رفضتي رح. اعيش باقي حياتي مش راضي عنك وانا ابوكي بدي اقعد بالبيت وأستقيل من الشغل والحاره ما رح اطلع عليها ولا احكي مع الناس وشهادتك رح تجيبيها تضبيها بدون شغل وبدون ما تكملي دراسة عليها أنا بنت متفوقة وعندي كتير طموح بس بابا غير كلشي بالحياة وحكالي اي شب غريب لو اخلاقه عالية ومتدين وشيخ جامع مش رح اقبل فيه وانا القرايب عنا كتير سيئين بمعنى الكلمة والعيشة معهم بنفس المنطقة متعبه كتير لانه كلهم عيونهم على بعض وحسد وغيره كل هاد تنازلت عنه بس موضوع الشب يعتمد على نفسه وبابا رافض رفض قطعي كل همه حكي الناس عنه إذا رفض ابن عمه وانه رح يصير بنظرهم مش زلمة وما الو كلمة على اهل بيته بدو يغصبني ويجبرني وانا عنجد تعبت من الموضوع صليت كتبو استخاره ولا مرة ارتحت فيها ودائما كوابيس بنومي انام ساعة واصل صاحية باقي الليل كل هاد اتجاهلته رحت مبارح صليت ودعيت ربنا يكتبلي الخير في امري وحكيت لبابا موافقة المهم انت ما تغضب علي ما بدي اعيش وانت مو راضي عني جاوبني أنا مش ابوكي وانا ما الي كلمة عليكم بالبيت بدك اياه روحي احكي مع ام الشب وتفاهمي معها أنا تعبت كتير وتنازلت عن كلشي بدي اياه وهي ابسط حقوقي ما بعرف شو الحل وما بعرف شو اعمل يا ريت الاقي نصيحة

إجابة

الحمد لله والصلاة والسلام على رسول الله وعلى آله وصحبه ومن والاه وبعد:

عطفاً على وصفك لحال الأهل والخاطب المتقدم وتعاطي والدلك مع الموضوع ، نقول وبالله التوفيق: زواج الأقارب في ذاته غير مستحب شرعاً لأسباب عديدة ليس أقلها ضعف النسب والتقاطع بين الأهل عند الخصام أو الطلاق، ثم ما قدمتيه من وصف لابن عمك واتكاليته وعدم قيامه بأي عمل رغم مرور ست سنوات على تخرجه، يشير بأن هذا الشخص عديم المسؤولية وليس لديه أدنى قدرة أو استعداد لتحمل المسؤولية، بمعنى أنك ستكونين الأب والأم والمتكفلة بكل مسؤوليات البيت والأولاد، وهذا عبء مادي ومعنوي ثقيل جدا عليك ونهايته المنطقية عدم القدرة على التحمل وصولاً إلى الطلاق أو إيذاء النفس. أما بالنسبة لوالدك فالحل معه هو الاقناع واللجوء إلى أشخاص لهم تأثير عليه وتوضيح الأمر له وبأنه لا يحق له شرعا ولا عرفاً أن يدمر حياة ابنته فقط حتى لا يقول عنه الناس!!
ورفضك لما يطرحه والدك حق طبيعي لك وليس عقوقاً ولكن كما أسلفنا ليكن أمر التعامل معه ومحاولة تغيير رأيه بالحسنى.

لديك سؤال؟

أرسل سؤالك الآن

المواضيع

فتاوى مشابهة

انا شاب عمري ٢١ سنه عايش بالمانيا من فتره ٧ سنين. الحياه هون غير بسوريا وخاصتا انو بلد مو إسلامي. الحمدلله انا بحياتي هون ما التفت ع الطريق الخطأ ولا انسيت من وين جيت وشو اصلي بالعكس حسيت هون صرت شديد مع حالي اكتر. رفقاتي الحوالي كلون بياخدو شغلات ببساطه اللي هي حرام متل الاختلاط مع الجنس التاني واللقاء معون واللمس وهالشغلات. انا واللحمدلله ما قربت ع هيك شغلات وبعدت عنون بس من فتره ست أشهر الله كتب عليي انو اتعلق وحب بنت، هي سوريه متلي لحتى وأهلي وأهلي بيعرفو بعض سنين وبيعتبروهون من العيله بس انا بعرفا ست أشهر بس لان ما كنت عايش مع اهلي كنت لحالي بالمانيا وأهلي كانو باليونان. المهم هي عايشه بعيد من منطقتي يعني شي ١٢ ساعه بالقطار. اجو من ست أشهر زياره لعنا وتعرفت عليها وما بعرف كيف بس صار في تلاطف بيناتنا. هني بركو عنا اسبوع وراحو ع منطقتون وانا وهي صرنا نتواصل ع الواتس. كل نهار منحكي مع بعض تعلقنا ببعض وصار صعب انو يجي نهار ما نحكي ع القليله كلمه مع بعض. انا ما بدي رب العالمين يكون مو راضي ع علاقتي معا وبدي اتوفق فيها وانا بحياتي ما فكرت ببنت بشكل جدي او كنت مقتنع فيها غير هالبنت. المشكله انو بعد فتره عرفت انو الحكي بيناتنا ما بصير انو خاص بين شب وبنت حرام لان ممكن يوصل للفتنه بيناتهون. انا خفت من هالشي وسألت الوالد والوالده وهني قالولي انو اذا نيتي اتجاه البنت صافيه وما بدي ضرها او أذيها فينا نحكي بس اذا نيتي مو صافيه لازم اتركا وأهلي والحمدلله بيعرفو نيتي صافيه اتجاها وهي كمان بتعرف هالشي. المشكله عمرها ١٦ وانا ٢١ يعني هلق كتير صعب نساوي العلاقه رسميه بيناتنا لان والدها ما بيرضى يخطبها قبل ما تخلص بكالوريا وهالشي بدو تلت سنين. انا مابدي اترك التواصل معا نحنا بعاد عن بعض ويمكن نشوف بعض بالسنه مرا بس بدي تم اتواصل معا لحتى يجي الوقت المناسب انو اخطبا ع سنه الله ورسوله. بس خايف انو يكون شغلي مو صح ورب العالمين ما يرضى علينا ويفرق بيناتنا. ابي وامي وامها واختها واخوها بيعرفو فينا ابوها ما بيعرف لان أهلها منفصلين عن بعض. أهلنا ما حكو شي سلبي وتركونا ع راحتنا بس انا بدي اتأكد من شيخ. بدي تم اتواصل معا من بعيد مابدي اتركا لحالا طاول هي بتواجه كل نهار صعوبات وانا الوحيد اللي بسمعا وانا الوحيد اللي هي بتلجألو مابدي اتركا ترجع تكون وحيده لمده تلت سنين بدي يتم التواصل بس برضى رب العالمين. بدي رايك بالموضوع انا عم اغلط؟ لازم اتركا؟ مافي حل تاني؟ انا بدي توصلني ع الطريق الصح اللي بالاخير وصل انا وهي سوا برضى رب العالمين. بعتزر الرساله صارت طويله بس قلبي لسا ملينا كتير حكي.
السلام عليكم ورحمة الله وبركاته بدي أسأل في حال كانت بنت متزوجة ووالدتها بتتدخل بحياتها كتير وفارضة حالها تنام عندها يومين بالاسبوع واسرار البيت بتطلعها برا البيت وبتعمل مشاكل وهي الحمدلله بصحتها وعندها بيت بس لانها لحالها بتروح عند بناتها وولادها ما حد مهتم ياخذها عنده لو هاي البنت اضطرت تكذب على امها بانها بتضل برا البيت عشان تحط حد وما تخليها تيجي عندها طول الاسبوع ومش قادرة تتعامل معها وتحكيلها انه مش دائماً بزبط تيجي يعني بتضطر تكذب عليها دائماً بكل اشي لانه كل اشي بتسأل عنه وبدها تعرف كل اشي ومش عارفة كيف تتصرف معها شو الحل بهاي الحالة يعني هل كذبها هاد عادي؟ وهل بتقدر تحاكيها وتقلها ما تيجي؟ بما انه امها وما بتقدر تتمادى معها بالحكي وهي امها من النوع اللي بيزعل على كل كلمة ولو مش مقصودة
لو سمحتم ارجو الرد سريعاً لانه هايفرق في حياتي كتير . انا مرتبطة بشخص بقالي كدا بالظبط سنتين، طلبت منه يبقي في حاجه رسمي بينا "خطوبة" قالي بعد سنه وانا مش هاقدر يبقي في بينا علاقه من غير حاجه رسمي بعدت عنه ولاقيت باباه توفي ف رجعت و كلمته تاني و بعد وفاته بشهرين زنيت علشان يكلم مامته نعمل ع الاقل قراية فاتحه وتلبيس دبل من غير اغاني ولا فرح علشان شهور العدة وصليت صلاه استخاره ماحستش بحاجه ولاقيت ف نفس اليوم قالي انه كلم مامته و قالتله مش هنعمل الخطوبه دي دلوقتي خالص ع الاقل بعد سنه! نفسيتنا مش هاتستحمل وقالي دا اخر قرار عندها مش هاعرف اقنعها بحاجه تانيه.. انا مش عارفه اعمل ايه انا عايزاه بس هو مش هاينفع يعمل حاجه !! مع العلم كنت بدعي ربنا كتير ان يحصل بينا خطوبه
حضرة المفتي السلام عليكم ورحمة الله وبركاته انا بنت بعمر ال 20 سنة في سن ال 16 كنت أحب شخص فش بيني وبينه أي علاقة ولا كلام بس حب من طرفي بسبب حكي أخته عنه ومدها اله ولصفاته وهو أكبر مني بتسع سنوات وضليت ادعي ربنا يجمعنا فترة سنتين تقريبا وشاء الله ان لا يكون نصيبي وانخطبت وكتب كتابي على شخص آخر ونسيت الشخص الأول خوفا من أن أكون بخون خطيبي بالتفكير بغيره ولكن الشخص يلي خطبته كنت مجبره عليه وما كنت بدي اياه (مش إجبار بالمعنى الحقيقي بس إنو أقنعوني بشكل غلط وانا احكيلهم بديش ويحكولي فكري فكري وبالآخر وافقت وانا مش مقتنعة وما بدي) وبعد فترة شهرين من الخطوبة بلشت تظهر صفات سيئة جدا بخطيبي وشغلات لا ترضي الله من معاصي وترك صلاة وشرب خمر والكلام مع بنات وبخل شديد وكذب وعقوق والدين والله المستعان فطبعا كإن بنت ملتزمة صار عندي نفور شديد جدا جدا منه وطلبت من أهلي نفسخ كتب الكتاب وأهلي رفضو رغم معرفتهم لكل هالاشياء وضربوني وكانو يجبروني أقعد معه واطلع واروح عنده وانا كنت أكرهه كره ما يعلم فيه إلى الله ولجأت لخال قريب مني على أمل يوقف معي بس انصدمت إنو حكالي ما عنا بنت تطلق (هسا هو حاليا ندمان ودايما يعتذرلي وبحكيلي حقك برقبتي ليوم الدين) فلجأت إلى الله في القيام وبعد عشر شهور منّ الله علي بالانفصال عن هذا الشخص ولله الحمد ولكن يا شيخ انا كثير كنت افكر في الشخص الأول خصوصا لما كانو أهلي يجبروني اقعد مع خطيبي وكنت افتح على صوره وأحفظهم عندي واصمم صور إلي وإله سوا هل علي كفارة على هالاشي لانو كنت على ملة شخص وانا عقلي وتفكيري مع شخص؟ ثاني رغم انه ويشهد الله على كلامي ما عمري كلمته ولا التقيت معه ولا فكرت أعصي ربنا معه وحتى هو ما بعرف شي عني واصلا يمكن ما بعرفني إلا من أخته وابنها الصغير هل أؤثم على الصور والتفكير ؟ حذفت كلشي بس كثير ندمانة وما بنام بالليل من الندم
سلام عليكم انا وقعت في حب بنت وانا شاب بالجامعة باقيلي سنة واتخرج لكن انا لم افتح معها الموضوع او اعترف لها فانا اعرف انو هاد شي حرام وبنفس الوقت بدعي الله انه يجعلها من نصيبي. بس سمعت انه حرام ندعي انو حد يكون لنا. طيب يعني على انا ما بقدر لانو نفسي تكون الي وبنفس الوقت ما بدي عم جاهد نفسي عشان ما احكيلها هاد شي ويكون في شي ربنا ما بحبو . ممكن نصيحه وهل بجوز ادعي انو تكون من نصيبي ؟
السلام عليكم ورحمة الله وبركاته تحية طيبة أريد مشورتكم في امري والفتوى بشرع الله بعيدا عن العادات التي أرهقتني في نقاشي مع اهلي المتمسكين بها تمسك الجاهلية ... لقد أحببت شخص وهو احبني لسنين ، وحاول مرات عديدة أن يتعرف على أهلي وأن يتقدم لخطبتي ولكنهم كانوا يقابلوه بالرفض الشديد لأنه من أصحاب الهمم ( لديه اعاقة حركية ) علماً بأنه ذو خلق حسن وسمعة طيبة بين الناس ومحبوب من الجميع .. وجميعنا نعلم بأن الاعاقة من الامور التي لا يد لنا بها كبشر وجميعنا معرضين في لحظة أن تنقلب حياتنا رأس على عقب. أليس الزواج عقد وميثاق غليظ بين شخصين ؟ أليس للوالدين حق النصح والارشاد دون الاجبار والمنع المطلق كما هو حاصل معي انا وهذا الشخص علما بأنه يعمل ومستقل ماديا ولديه منزل وأخلاقه وسمعته طيبة .. أي اركان الكفاءة للزواج متحققة من طرفه والقبول من طرفي متحقق لقد حاولت بكل الطرق لاقناعهم وكانت امي تقابلني بالصد والرفض وحتى انكرت علي استدلالي بالادلة المتعارف عليها والصجيحة مثل ( لا ارى للمتحابين الا النكاح) ، وزيادة على ذلك في التعقيد .. أصبحت أمي تريد اشراك جميع العائلة القريب والغريب في أمري هذا ، وبالفعل هذا ما حصل وجميع من تدخل بالموضوع كنت اناقشه بما يمليه عليّ ديني وليس عادات ما انزل الله بها من سلطان تُحرم الحلال وللاسف لا احد يقف معي ولا يتفهمني ، لقد أحببته حبا صادقا صافيا أبتغي به خير الدنيا والاخرة ولا اريد من كل هذه الدنيا سوى هذا الشخص الذي أحببته ، ولا احد يريد تفهمي بأنني لا استطيع اكمال حياتي الا معه ولا استطيع العيش بدونه أيضا أهلي آلموني بألفاظهم وصبوا عليّ التهم صباً حين أخبرتهم بأن فلان ابن فلان يريدني بالحلال وعلى سنة الله ورسوله وعززوا بناء الحواجز تلو الحواجز بيني وبينهم، علما بأنني ولله الحمد وبشهادة الجميع من معارفنا ذات خلق ودين وعلم وجمال ومال .. جميع ذلك أنكروه اهلي علي لمجرد أنني أحببت واتهموني بصفات سيئة أخجل أن اقولها او اشتكيها لاي شخص ، مع العلم بأن الشخص الذي احبه يسكن بالضفة وانا بغزة أي أنه لم يمسني على الاطلاق حتى الان . انا عملت محاضرة جامعية وعملت بوظائف عدة من يوم تخرجي الى الان على مدار 5 سنوات ، والحمد لله معروفة بأنني صاحبة القلب الرحيم منذ صغر سني، المتدينة الخلوقة الملتزمة ، البارة بوالديها بر منقطع النظير حيث أنني لزيمة اقدامهم بالمعنى الحرفي ، وكريمة جدا بما املك وهذا بتزكيتهم وكلامهم لي وليس تفاخر والعياذ بالله بنفسي ، حيث أن جميع عملي والعائد المالي منه منذ تخرجي كنت أضعه بيد أمي لكي أعينها على الحياة حيث أن والدي لا يعمل ، تفاجئت بردة فعلها التي قلبت جميع الحقائق عليّ لمجرد أنني كنت صريحة معهم وقلت أحببت فلان وأحبني ويريدني بالحلال ، اتهمتني بشخصي وبأخلاقي واتهمتني بأنني لا اساعدهم على الاطلاق وادعت " أين شغلك لم تُعمّري لنا منزلا منه ولم تتكفلي بمصاريف حج لنا !" وبدأت أمي بعدها تضييق علي داخل المنزل لدرجة أنها بيوم من الايام اخبرتني ان الأكل والشرب كله بفلوس، علما أنني متكفلة بمصاريفي ومتطلباتي من يوم تخرجي لا اطلب شيقل من اهلي ، واضطررت من بعد ذلك اليوم أن اتكفل جميع مصاريفي اضافة لمصاريف الطعام والشراب الخاص بي وانا بنفس المنزل معهم .. والله اني اكتب هذا الكلام وقلبي يعتصر من الالم واصبح الموت اهون علي لأنني لا اطيق الحياة في بُعد الشخص الوحيد الذي أحبه قلبي وكان بمثابة هدية من الله مناسبا تماما لقلبي وشاعرة بقمة الطمأنينة معه ويخاف الله فيّ .. يا شيخ أريد رأيكم ومشورتكم ماذا افعل مع اهلي وخصوصا مع امي حيث أنها ترفض رفضا قاطعا ولا تريد النقاش في الموضوع وتخبرني " شو بدك بالزواج هينا شو اخذنا منه " تعزيزا منها لأن ألغي مبدأ الزواج نهائيا من حياتي وأن استمر بخدمتهم وسعادتهم ، متجاهلة امي تماما سعادتي و انني انسانة ولي احاسيس ومشاعر وضعها الله فينا وأقرها رسولنا الكريم ، ومتجاهلة كذلك رغبتي بالحياة مثلها تماما حين تزوجت هي .. هذا خيار منها ألا اتزوج وان اكون ملزمة بالخدمة داخل المنزل وخارجه بالعمل وأن أساعد بجميع مالي وأبقى صفر اليدين انظر لعمري يذهب بلا زوج ولا ولد ولا مال يعزني عن الحاجة لمخلوق :( وإما تريدني أن اتزوج أي شخص كان من كان الا من أحببت ، وهذا مستحيل بالنسبة لي لأن قلبي متعلق بشخص ولا يمكنني تسليم جسدي لإنسان وقلبي مع آخر وللعلم أنا لست ابنة وحيدة لاهلي ، لي اخ واخت جميع خيارات والدتي نار تكويني ولا اطيقها وللاسف أبي منصاع معها ولا ينطق بنت شفة وتارك المجال كله لامي في التحكم انا واثقة بأن ديننا الاسلامي لا يرتضي الظلم حيث أن الله حرمه على نفسه وجعله بيننا محرم ، وديننا دين محبة ودين يسر ودين وسطية . بانتظار رأيكم وأأرجو افادتي ماذا افعل تحياتي
السلام عليكم عندي سؤال لو تكرمتم بدي الفتوى تبعتو انا متزوجة و عند زوجي اخت يارب يسترها ويستر بنات المسلمين اجمعين، البنت بتغلط كتير عندها تصرفات غلط كتير و الاشياء الغلط اللي كنت اشوفها ما كنت احكي لزوجي عنها لحد ما تزوجت و تطلقت بسبب هالاغلاط لمحت لزوجي تلميح بالبداية عن انها لسا بتغلط بدون ما احكي شو شفت وبعدها الموصوع صار يزيد وحكيت بشكل مباشر كانت طبعا متطلقة جديد لسا و غلطاتها كانت للعلن واضحة ورح يجي حكي سيء عليها هي بالبداية وعلى اهلها ، هل انا اثمت لاني حكيت ؟ انا ندمانة طبعا و بسببي ما تأثرت هي بس اهلها حسو انو زوجي بشد عليها بسبب حكي انا حكيتو وانا فقط عشان ربي بشعر بالندم اني تدخلت لانو بالنهاية كان رح يعرف حتى لو ما حكيت لانو زي ما حكيت الاخطاء كتيرة، هل اثمت واذا اثمت كيف اتوب ربي و شكرا
السلام عليكم ورحمة الله وبركاته في شخص قلي بدي تجبلي سكارف احمر( هو عبارة عن ترند ياباني وتقليد أعمى والعياذ بالله) ومكتوب عليه اسم بنت وشكلها حبيبته ف انا روحت وصيته مشان بس يجهز اروح اجيبه ولكن عرفت انه اذا جبته حرام ورح ااثم ف انا قلت لشب اني ما بقدر اجيبه واشي المهم اعتذرتله ف الشب راح جابو هو ولكن ما جاب إلي وصيته انا موصي ولحد ثاني وعاملينو واحد جديد وإلي وصيته انا ضايل ف المحل بقلي بضل حقه إلي وصيته بذمتك اذا ما أخذته ف شو حكمها بضل في ذمتي اذا متت ولا لا مع العلم انا وصيته للشب مش الي
السلام عليكم كان عندي بنت معاقه عمرها ٩ سنين كان وضعها مستقر بس بعد ما بلشت الحرب بفتره مرضت وما كان معي مصاري اخذها للدكتور لان ابوها كان بلا شغل وكان تامينها خالص ما قدرت اخذها للمستشفى ولما زاد مرضها انجبرت اخذها للمستشفى وهناك انتكست حالتها وزاد وضعها سوء وبعد اسبوع ماتت وانا من ٣ شهور عايشه بتأنيب الصمير انها ماتت بسببي لاني ما اخذتها ع المستشفى من البدايه هل انا السبب بموتها وعلي إثم لاني تأخرت وهل علي كفاره او شي لاكفر عن ذنبي تجاها ارجوكم تفيدوني انا عايشه بعذاب
أنا فتاة تقدم لي شاب صاحب دين وخلق ومناسب لي، وقد استخرت الله وارتحت له جداً وانا اريده وهو يريدني وطرق الباب بالحلال وتم السؤال عنه عن طريق المخابرات وسمعته جيدة والآن خالي يسأل عنه اكثر للاطمئنان. المشكلة أن والدي يرفض هذا الشاب لسبب واحد فقط، وهو أن الشاب من مدينة أخرى (تبعد مسافة 3 ساعات بالسيارة)، ووالدي يرفض بشدة بسبب خوفه عليّ من "الغربة" ومن البعد عنه، لدرجة أنه قاطعني في الكلام تماماً وهجرني داخل البيت للضغط عليّ لأرفض الشاب.والقى المسؤولية كاملة علي حتى بعد النظرة الشرعية لم يسألني ابي اي شيء ولم يناقشني بأي شيء يخص الشاب وقال انه يرفع يده عن الموضوع "اعملو الي بدكم ياه بس انا مش راضي " وانا مع اصراري على اختياري ولانه لا يوجد سبب او عائق حقيقي للرفض الا انني لا اريد ان اغضب والدي واكمل الطريق بدون رضاه . انا الح بالدعاء وعندي يقين انه امورننا رح تتيسر ولا زلت مستمرة بالدعاء . ١_هل يُعتبر "خوف الأب من الغربة وبعد المسافة" سبباً شرعياً كافياً لرفض خاطب كفء؟ ​٢_هل يجب عليّ شرعاً طاعة والدي في ترك هذا الشاب، أم أن اختيار الزوج حق مكفول لي شرعاً ولا تُعد مخالفتي لرأيه (غير المستند لسبب شرعي) عقوقاً؟ ​٣_هل تعسر الأمور مع الوالد يُعد إشارة سلبية للاستخارة، أم هو ابتلاء يتطلب الثبات والدعاء؟