سؤال

رقم مرجعي: 175514 | الطهارة | 8 فبراير، 2026

عدم القدرة على الوضوء.

السلام عليكم صابني فايروس او تسمم غذائي ما بعرف بالزبط المهم اني بتعب عند الحركة تعب مش طبيعي بدي ادوخ وغثيان و استفراغ والبرد بحفز الاستفراغ اكتر وبزيد التعب يعني مش قادرة اتوضى لانو الوضوء بزيد حالتي سوء سؤالي هو عادي لو توضيت بدون ما اغسل رجليي و ايديي لانهم اكتر اشي ببرد منهم و بزيدو حالتي ومش قادرة اصلؤ وشكرا سلفا جزاكم الله كل خير

إجابة

الحمد لله رب العالمين، والصلاة والسلام على أشرف الخلق سيدنا محمد الأمين، وعلى آله وصحبه أجمعين، وبعد؛

السلام عليكم ورحمة الله وبركاته.

الأخ السائل الكريم:

بالإشارة إلى سؤالك المثبت نصه أعلاه، فنسأل الله تعالى لك الشفاء مما تعاني، وإن أمكن لأحد القريبين منك توضئتك فهو المتعين، وإن كان الماء يضرك في الأعضاء التي ذكرتها وتأكذ ذلك طبياً، فتوضأ في باقي الأعضاء، ثم تيمم، ويكفيك ذلك حتى يحصل الشفاء، لقول الله تعالى: ﴿فَاتَّقُوا اللَّهَ مَا اسْتَطَعْتُمْ﴾ [ التغابن: 16]، واحرص على الصلاة في وقتها وبالقدر المستطاع من آدابها والخشوع والطمأنينة فيها، والله تعالى أعلم.

والله يقول الحق وهو يهدي السبيل

لديك سؤال؟

أرسل سؤالك الآن

فتاوى مشابهة

السلام عليكم ورحمة الله وبركاته بدي أسأل في حال كانت بنت متزوجة ووالدتها بتتدخل بحياتها كتير وفارضة حالها تنام عندها يومين بالاسبوع واسرار البيت بتطلعها برا البيت وبتعمل مشاكل وهي الحمدلله بصحتها وعندها بيت بس لانها لحالها بتروح عند بناتها وولادها ما حد مهتم ياخذها عنده لو هاي البنت اضطرت تكذب على امها بانها بتضل برا البيت عشان تحط حد وما تخليها تيجي عندها طول الاسبوع ومش قادرة تتعامل معها وتحكيلها انه مش دائماً بزبط تيجي يعني بتضطر تكذب عليها دائماً بكل اشي لانه كل اشي بتسأل عنه وبدها تعرف كل اشي ومش عارفة كيف تتصرف معها شو الحل بهاي الحالة يعني هل كذبها هاد عادي؟ وهل بتقدر تحاكيها وتقلها ما تيجي؟ بما انه امها وما بتقدر تتمادى معها بالحكي وهي امها من النوع اللي بيزعل على كل كلمة ولو مش مقصودة

السلام عليكم أنا فتاة عمري 28 سنة زي ما بقولو بنت حسب ونسب وعيلة تشرف الحمدلله ، قصتي انو أنا حبيت شخص لعدة سنوات من طرف واحد وكنت اتمناه كثيرا أن يبقى شريك حياتي بالغرم اني لا اعرف عنه شيء ولا عن شخصيته لكني كنت دائمة التفكير فيه ولم افكر بأحدٍ غيره ، شاءت الاقدار أن يحدث موقف يجمعنا فيه الحديث بعد 4 سنوات من التعلق به دون أن يعلم واستمر الحديث الى سنتنان الى أنه اعجب بشخصيتي وقال لي بأنه أحبني ،و بطبيعة شخصيتي كثيرة القلق أخاف أن اتزوج شخصاً لست أحبه أو راغبة فيه ، وأخاف أن أتزوج وفي قلبي شخص أخر واظلم من كنت معه لان شخصيتي قلقة وحساسة جداً واتعرض لنوبات اكتئاب كل عام منذ كنت طفلة وعالاغلب السبب وراثي بحت ، لذلك كنت من قبل الحديث معه وما زلت بعد الحديث معه أرفض كل من تقدم لي لأنه يمتكلني خوف غير طبيعي واكتئاب اذا سمحت لنفسي بأن أفكر خارج اطار الحب خاصة وانني لم احب احدا الا هذا الشخص ، حيث فيما سبق كنت لا اؤمن بالحب ولا بالعلاقات الغرامية الا ان وقعت بها على وجهي .المهم أنه لما جهز للزواج جه يتقدملي ، فظهرت الكتير من المعيقات من ناحيتي وناحيته هو فأهله ابتدوا يقولوه أن سني كبيرة وهو أكبر مني بسنتين يبقى لازم اكون أصغر منه بكتير زي 19 ، 20 سنه زي ما بقولوه لكنه اقنعهم أنه الزواج قرار يعتمد علية أنا بدون ما يجرحهم ،وبالرغم اني دارسه ماجستير في الهندسة ومقضية وقتي في التعليم واهلي ناس كبار جداً في المنطقة و الحمدلله متدينين ومعندهمش كبر ولا غرور لكنهم رفضوا هذا الشخص لانه من منطقه اخرى من نفس البلد والشائع منذ قديم الزمن أنه لهذه المنطقه عادات اجتماعية صعبه على الست وما بحترموهاش وبيظلموها وبعيشوها عيشة مرة ،أنا اسمعت كتير عن هذه العادات من بنات أهل المنطقة نفسهم ولكن في السنوات الاخيره ابتدت هذه الافكار تضمحل يعني بقينا نشوف ناس متحضرين في المنطقه دي ومبيعملوش الكلام السيء الي انتشر عنهم كأهل منطقة وكثيرا ما يحدث تناسب بين منطقتنا ومنطقتهم ونتصادق وغيره . اهل الشاب بالرغم من كافة المواصفات لدي _ ولا امدح نفسي والله . فوالدي يعمل بمقام رفيع جداً لا يمكنني الافصاح عنه ومعروف على مستوى ونطاق كبير من الدولة وأنا على مستوى من الجمال ومعايه شهادة ماجسيتر في الهندسة والحمدلله اخلاقي جيدا جداً ومتدينة حد الذي أعلم .سابو كل المواصفات دي وانتقدوني أمامه بحاجات مليش يد فيها زي عمري وزي اني من مستوى اجتماعي اعلى وكده . الى ان الشاب نجح في اقناعهم وقلي يوما ورا يوم حنحاول نغير أفكارهم السيئة عنك يمكن لما يجربوكي يعرفوا حقيقتك وقد ايه انتي طيبة وبنت ناس بجد . انا اتصدمت لاننا جماعه معروفين جدا من ناحية اجتماعية واخلاقية والحمدلله على عكسهم محدش يعرفهم خالص ولا ليهم دور اجتماعي بارز من الاصل ، لكن اتفقنا انا وهو انو أثبتلهم بالحسنى انو انا كويسه بالرغم انو تراب الارض بحبني بصدق بقلك يا حضرة المفتي مافيش حد ما بحبنيش الحمدلله كل شخص اتعرف عليه يحبني من اول ما يشوفني وبحب يفضل معايا في حياتي وبحب أهلي . بقالو سنة عمال يتقدملي من اهلي واهلي يرفضوه كل شهر يتقدم ويرفضوه ويبعت ابوه ويبعت عمامه وقرايبينو ،واهلي عمال يقولولي انو غير كفء ليكي وانه نسبه ما يشرفش حتى وان كنتي تحبيه مش حتستحملي تعيشي عندهم دول عالم بيئة وانت عشتي مكرمه طوال حياتك دول حيعملوا فيكي كده وكده وكده، خاصة وانو واخد شقة تحت بيت أهله ، ،،،، الشاب معاه بكالوريوس في تخصص تجارة ولكن شغال بالنجارة لانه مش لاقي شغل في قطاع حكومي ، واهله مدخلوش الجامعات خالص ولا بحبو التعليم :)، لكن هو كشخص عقلو متفتح ومن حديثي معاه وجدت انو حساس جداً مثل حالتي لكن لا يحب أن يظهر ذلك لي . اصريت على موقفي اني عاوزة اتجوز الشاب ده ودخلت شخص قريب من اهلي على أساس يقنعهم وبعد أشهر من الاصرار ورفضي بأن أعضل عن هذا الشخص وحديث اهلي معي بأنه غير مناسب وبأصراري اني لن افكر بالزواج بغيره لاني عانيت من الاكتئاب الشديد خلال هذه السنة من جراء الي حصل. رغمت أهلي أن نقرأ الفاتحة على الاقل ولكن للأن اهلي بيقولولي انه عيشته مش ملائمة ليكي واهله متخلفين راجعي نفسك مع انهم رافضين يتعاملو مع اهل الشاب او انه يكون في تواصل بينا وبينهم ، وبقولولي لو تزوجتيه مش حينفعك الندم وانتي الان في غشاء على عينيكي مش شايفة منو الحقيقة ولما ينكشف هذا الغشاء بعد الزواج حتعرفي ضيعتي ايه .أنا اعرف أن والداي يخافون علي جداً ويرغبون أن لا اعاني بعد زواجي من صعوبات ، ولكن هذا ما نلت انا وهذا ما رضيت به . الشاب قادر على أن يلبي احتياجاتي ولكن خوفهم من ان يخضع لقوانين وحكم أهله والمجتمع البيئي الذي يسكن فيه بأني "كبيرة في السن والتعليم ميجيبش تعبه" ولكن الشاب بيقول ده مش حيحصل ومينفعش تحكموا على اهلي من غير ما تجربوهم وانا جاهز اثبت لأهلك اني شخص كويس. على العلم اهلي لم ينتقدوه كشخص بل انتقدو الاختلاف الشاسع بين العائليتن والمستوى البيئي ....... انا أقول كل هذا فقط لأسأل هل سيحدث لي شيء سيء بعد زواجي لمجرد ارغام اهلي على الموافقه على الشاب ؟؟ أمي تقول لي انني ابتلاء من الله لها ولوالدي لانني وضعتهما في وضع سيء امام الناس لانهم خجلو جداً من نسبهم وأصبح البعض من كبار اقاربنا يتحدثون عني وعن اهلي لانهم قبلو بخطوبة هذا الشاب الغير كفء لمستواي الاجتماعي ؟ ارجوا مراعاة شخصيتي الحساسة في النقد ومراعاة عمري، والاخذ بعين الاعتبار ان المرأة كان ضعيف والمجتمع يقوم باضعهافها بسبب عمرها او عملها مهما صعدت وارتقت .

السلام عليكم، بدي اسال سؤال لصديقة الي عملت عملية بالأنف لسبب صحي قبل ثلاث اشهر ومن يومها بتصلي وهي قاعدة بسبب انو بس تركع بتشعر في ضغط بالانف وما بتسجد بسبب انو عملت عملية معقدة فيو وما بتعرف وينتا مسموح تحطه عالارض عادي فايش حكم الصلاة بالنسبة للاشي انو عادي لو صلت وهي قاعدة؟ ولا مبطل للصلاة؟ وشكرا

السلام عليكم و رمضان مبارك عليكم. المهم أنا سأبدأ التجارة الإلكترونية لبيع مستحضرات التجميل.... وورد أنه لو كانت المشترية متبرجة لا يجوز البيع لها.... و في حالتي أنا لا يمكن أن أعرف هل هي متبرجة أم لا؟ لأنه ليس هناك بيع مباشر.... أتمنى الإجابة على سؤالي وشكرا.

السلام عليكم أنا خريجه كليه حاسبات ومعلومات وطبعا كليتنا كلها برامج بنستخدمها وكذلك شغلنا بعد التخرج بنشتغل بيها فى سوق العمل وطبعا البرامج دى فيه منها مجانى وغير مجانى والغير مجانى بيبقى مبالغ مالية كبيرة بالدولارات صعب الواحد يشتريها طبعا ،فدلوقتى عشان ننزلها بنلجأ لحاجة اسمها كراك ده بينزل البرامج ويفعلها مدى الحياة من غير ما ندفع تمنها، فأنا دلوقتي سمعت أن ده حرام عشان انتهاك لحقوق الملكية الفكرية، فأنا دلوقتي لو نزلت برنامج الأوفيس 2016 هو بيصل سعره إلى 299$ وعايزة انزله اتعلمه وكمان اشتغل بيه فى الكلية فى عمل المحاضرات لان ليا فرصة اتعين معيدة أن شاء الله،فهل عليا ذنب لو نزلته واشتغلت بيه فى عمل المحاضرات أو اشتغل بيه بره فى سوق العمل كمدخلة بيانات؟ لان لما كنت طالبة كنت اخذت الأوفيس 2010 من شخص معين فاتح محل أجهزة (سيبر) وكنا بنتعلمه فى الكلية وكل الطلاب كده لانه مفيش جهاز بيخلى من البرنامج ده فهل اللى اتعلمناه منه حرام وتنزيله حرام وكذلك الويندوز برده حرام مع العلم لو لقيت بديل الأوفيس مش هيعطى نفس مميزاته يعني من الاخر سؤالى بوضوح المضطر فى أنه ينزل برنامج غير مجاني بهدف أنه يتعلمه أو الشغل بيه فى سوق العمل وغير قادر على شرائه بسبب تمنه الباهظ يبقى حرام ؟وعليه ذنب ؟وايه حكم الويندوز اللى منزلاه لان طبعا من غيره الجهاز مش هيشتغل؟ لان موسوسة من ناحية الموضوع ده وحياتى وقفة وحتى خايفة افتح الكمبيوتر عشان الويندوز منزلاه من غير دفع سعره ومتهيألى كلنا منزلين ويندوز من غير دفع تمنه.

السلام عليكم، أنا بشتري طرود مرتجعة من بريد إسرائيل مباشرة، يعني طرود حقيقة مش كذب مثل الي منتشر على مواقع التواصل، والطرود هاي ذات قيمة بمعنى انه لما اشتريها واعيد بيعها بربح فيها، ولكن الإشكال انه انا ما بعرف شو في داخل الصناديق على الرغم من المعرفة التقريبية لقيمة محتوى الصندوق، يعني انا بعرف انها ما بتخسر ودائما بربح فيها بس ما بعرف شو نوعية البضاعة الموجودة بالداخل. مثال: انا اشتري صندوق يحتوي من ١٠ الى ١٥ طرد مش معروف شو هم، اشتريه ب ٤٠٠ شيكل، لما ابيعهم بربح فيهم ٣٠٠ شيكل. لذلك ارجوا من حضرتكم مأجورين إفتائنا هل هذا العمل حلال ولا لأ. جزاكم الله كل خير ونفع فيكم الأمة.

السلام عليكم ورحمة الله وبركاته أنا عندى القولون واعانى دائما من الانتفاخات والغازات وكشفت كثيرا عند الأطباء ولا يوجد تقدم فى حالتى اريد أن اعرف كيف اصلى لأن الغازات تارة تكون شديدة فتخرج فى اى وقت وتارة أخرى عندما أسجد تخرج منى الغازات وتارة اصلى بدون خروج لكن مشكلتي انى لا اعرف متى ستنقطع حتى لو شعرت انها قلت كما قولت تخرج وانا أسجد وكنت زمان اعيد الوضوء ذ٣ أو ٤ ويمكن أن تصل إلى ٥ مرات لكن الان اصبح لى على حالتى حتى لو خرجت منى لانى تعبت من إعادة الوضوء وأيضا انا أعانى من وسوسة الشيطان فيقولى صلاتك مش مقبولة أو الله لا يريدك لانه لايحبك وانا تعبت نفسيا

السلام عليكم ورحمة الله وبركاته في شخص قلي بدي تجبلي سكارف احمر( هو عبارة عن ترند ياباني وتقليد أعمى والعياذ بالله) ومكتوب عليه اسم بنت وشكلها حبيبته ف انا روحت وصيته مشان بس يجهز اروح اجيبه ولكن عرفت انه اذا جبته حرام ورح ااثم ف انا قلت لشب اني ما بقدر اجيبه واشي المهم اعتذرتله ف الشب راح جابو هو ولكن ما جاب إلي وصيته انا موصي ولحد ثاني وعاملينو واحد جديد وإلي وصيته انا ضايل ف المحل بقلي بضل حقه إلي وصيته بذمتك اذا ما أخذته ف شو حكمها بضل في ذمتي اذا متت ولا لا مع العلم انا وصيته للشب مش الي

السلام عليكم أنا بنت خريجة صيدلة هاي السنة ما الي أسبوعين مقدمة آخر امتحان في الكلية ، اجى قبل اسبوع عم بابا اجى طلبني من ابوي ل ابنه ، وانا بنت ماشية دغري كتير وبخاف من ربنا وما عندي حركات الصياعة ، عم بابا ما طلبني إلا لاني خلصت دراسة وتخصصي صيدلة ومشان الشغل وانا لانه عايشة في نفس بيئتهم بعرف تفكيرهم ، نيجي للشب بحكي الحق انه عنده اخلاق وبرضو مو من الشباب الي عليهم حركات شباب اليوم ، عمره 28 سنة ومتخرج هندسة من ست سنين وما حاول يشتغل بشهادته ولحد الان عايش على الي بعطيه اياه ابوه ما عنده ضمان يقدمه لبنت بدو يرتبط فيها وعنده اتكالية بشكل كبير على ابوه ومو هو لحاله لا حتى اخوانه المتزوجين كلهم هيك عندهم اعتماد على ابوهم ، أنا كبنت بعرف حالي ما بقدر اتحمل هاد الاشي طلبت من بابا وحكيتله انه أنا بدي اشوف الشب يعتمد على حاله ويقدر يتحمل مسؤولية فتح بيت وبدو يكون عنده زوجة بدو يكون قوام عليها مش كل ما طلبت اشي بدو يروح ياخده من ابوه لانه هاد الواقع الي أنا شايفته ، ابو الشب قال ما بدو اشي رسمي هلا بدو يترك الموضوع بس حجز وقراءة فاتحة مشان ما يجي حدا غريب يسبقه وبدو يأجل موضوع الارتباط الرسمي للسنة الجاي هيك حكاها بالحرف الواحد وانا كتير متضايقة من هاد الاشئ وحكيت لبابا خلص خلينا نشوف السنة هاي والشب يشوف شغل واذا النا نصيب ببعض السنة الجاي ربنا يكتب الي فيه الخير ، بابا رفض وما اقتنع وكل أسبابي عنده تافهة ومش اسباب مقنعه وانه أنا انسانه سطحية وما بتفهم وخلاني انسانه مادية وانا ما طلبت المصاري طلبت بس انه اشوف الشب يعتمد على حاله وبابا مو عاجبه ، وبعد نقاش طويل حكالي إذا رفضتي رح. اعيش باقي حياتي مش راضي عنك وانا ابوكي بدي اقعد بالبيت وأستقيل من الشغل والحاره ما رح اطلع عليها ولا احكي مع الناس وشهادتك رح تجيبيها تضبيها بدون شغل وبدون ما تكملي دراسة عليها أنا بنت متفوقة وعندي كتير طموح بس بابا غير كلشي بالحياة وحكالي اي شب غريب لو اخلاقه عالية ومتدين وشيخ جامع مش رح اقبل فيه وانا القرايب عنا كتير سيئين بمعنى الكلمة والعيشة معهم بنفس المنطقة متعبه كتير لانه كلهم عيونهم على بعض وحسد وغيره كل هاد تنازلت عنه بس موضوع الشب يعتمد على نفسه وبابا رافض رفض قطعي كل همه حكي الناس عنه إذا رفض ابن عمه وانه رح يصير بنظرهم مش زلمة وما الو كلمة على اهل بيته بدو يغصبني ويجبرني وانا عنجد تعبت من الموضوع صليت كتبو استخاره ولا مرة ارتحت فيها ودائما كوابيس بنومي انام ساعة واصل صاحية باقي الليل كل هاد اتجاهلته رحت مبارح صليت ودعيت ربنا يكتبلي الخير في امري وحكيت لبابا موافقة المهم انت ما تغضب علي ما بدي اعيش وانت مو راضي عني جاوبني أنا مش ابوكي وانا ما الي كلمة عليكم بالبيت بدك اياه روحي احكي مع ام الشب وتفاهمي معها أنا تعبت كتير وتنازلت عن كلشي بدي اياه وهي ابسط حقوقي ما بعرف شو الحل وما بعرف شو اعمل يا ريت الاقي نصيحة

السلام عليكم شيخ اولا كيف حالك ثانيا السؤال بحكي والله يخليك بدي فتوى منك عمي موجود في السعوديه من زمان يعني طلع يتعلم ويشتغل هناك وكان يودي فلوس لسيدي وكان سيدي يشتريلو اراضي فيهم يعني عمي كان يحكي لسيدي يشتريلو اراضي المهم ابوي وعماتي كانو يعرفو من ابوهم انو الاراضي لاخوهم الي في السعوديه وكان كل مره يذكرهم انو انتو ما الكم اشي الاراضي لاخوكم هسا بدي جواب هل حرام شرعا يوخذو من هاي الاراضي مع العلم انو في قسم من الاراضي مسجله في اسم سيدي ومع ذلك سيدي حكى لأولادو انو الاراضي لاخوكم واخوهم ما قابل يسامح اخوتو ولا طالع من نفسو يعطيهم كونو اخوه الاصغر منو داير بالو على الارض بحرثها وبلقط ثمرها هل انو في حد من الاخوه بلطلعلو من الاراضي اشي وشكرا